فزت يتم

فزيت بك فزت يتيمـن بالاحـلام
في عز نومه يسمع امـه تنـادي
وصحى بحزنه مالقى غير الوهـام
مثله مثل حزنن سكن في فـؤادي
عليك ياللي صارلـي حبـه هيـام
وانا بشوفك مـا تحقـق مـرادي
تبدلـت مـن ياسـي آمالـي آلام
والفكر بك هايـم وتايـه وغـادي
ايست دونك مثل محكوم الاعـدام
تعيش في بيتك وانا فـي قيـادي
يزيد ياسي منك مـع زود الايـام
وبيني وبينك حايل الفيـن حـادي
كني ورى اليابان وانته ورى الشام
ماكنك سعـودي وتسكـن بـلادي
شاركتني بالاصل وبدين الاسـلام
وارض الوطن والياس دونك ينادي
اشوفك اقربلي مـن الكـاف لـلام
وابعد من نجوم الظـلام البعـادي
ليتك بهدي المصطفى خير الآنـام
تصبح شريكن لي بنومـي وزادي
وإلا الردى والله لو اعيش منظـام
ممشيه واخالـف نظـام المبـادي
لكان ابا اودّعـك وديـع الايتـام
واعيش مابين السهر والسهـادي
جف الحبر يازين في روس الاقلام
وانا دموعـي سيلـت كـل وادي
حلمي بشوفك عني ابعد من العـام
او كوكبن في ظلمت الليـل بـادي


لشاعر\ الخال سعود الحربي